Ҳусанов "Манчестер Сити" машғулотларига қайтди

"Манчестер Сити"ни АПЛнинг 4-туридан ўрин олган "Манчестер Юнайтед"га қарши ўйин кутиб турибди. Ушбу баҳс олдидан "шаҳарликлар" таркибида кўплаб йўқотишлар борлиги ҳақида миш-мишлар бор эди. Аммо сўнгги соатларда яхши янгиликлар пайдо бўлди. 

Маълумотларга кўра, Савиньо, Фил Фоден, Йошко Гвардиол, Рико Льюис, Нико Орайли, Калвин Филипс, Маркус Беттинелли ва Абдуқодир Ҳусанов машғулотларга қайтишган. 

Эслатиб ўтамиз, Ҳусанов "Брайтон" билан бўлиб ўтган ўйинда жароҳат олиб, майдонни эрта тарк этганди. Шу сабабли, у "CAFA" турнирини ўтказиб юборди.