"Humo" va Xabib. Barchasiga oydinlik kiritildi

Bundan bir muddat ilgari Toshkentning "Humo" xokkey klubi rossiyalik aralash jang san’atlari ustasi Xabib Nurmagomedov bilan hamkorlik masalasida o‘zaro kelishuvga erishgani haqida xabar bergan edik. 

Klub rasmiy sayti ushbu xabar 1 aprel hazili ekanligini ma’lum qildi.

"Vaziyatga hazil va yumor bilan yondashish - immunitetni ko‘tarishning eng to‘g‘ri usuli va har qanday kasallikka qarshi kurash usulidir.

Umid qilamizki, ushbu mushkul vaziyatda hazil bilan muxlislarni qo‘llab-quvvatladik. Kelgusi mavsumga tayyorgarlikni davom ettiramiz", - deyiladi klubning rasmiy bayonotida.