Gvardiolaga “Barsa”dagi shogirdi kerak

“Manchester Siti” bosh murabbiyi Xosep Gvardiola Serxi Robertoni o‘z shogirdlari orasida ko‘rmoqchi.

Angliyaliklar “Barselona” rahbariyatini 28 yoshli futbolchining transferi ustida ish boshlagani haqida ogohlantirdi.

Garchi Serxi Roberto kataloniyaliklarning asosiy tarkibidan muqim joy olgan bo‘lsa-da, uni katta futbolga olib kirgan Xosep Gvardiola qo‘l ostida to‘p surish uchun “Manchester Siti”ga o‘tishga rozi bo‘lishi aytilmoqda.

“Shaharliklar”ni bu futbolchining universalligi, himoya va maydon markazida foydali o‘yin ko‘rsata olishi jalb qilmoqda.