Gvardiola Harri Keyn o‘rniga beshinchi ligadan o‘yinchi oladi

“Manchester Siti” rahbariyati “Tottenxem” prezidenti Daniel Levini jamoa to‘purari Harri Keynni sotishga ko‘ndira olmadi.

Xosep Gvardiola mohir hujumchi o‘rniga yosh futbolchini olib, o‘ziga kerakli hujumchi tarbiyalashga qaror qildi. Ayni paytda ispaniyalik murabbiyga Angliya chempionatining beshinchi darajali musobaqasi – Milliy ligada “Solixal Murs” jamoasi sharafini himoya qilayotgan Kayl Xudling nomzodi ma’qul kelmoqda.

“Shaharliklar” 21 yoshli hujumchini sotib olib, darrov Chempionship jamoalaridan biriga ijaraga berishni rejalashtiryapti. Bu futbolchiga “Midlsbro” va “Kardiff” hozirdan og‘iz solyapti.