Godin: Birgina gol ham bizni keyingi bosqichga olib chiqar edi, ammo, buni uddalay olmadik

Madridning «Atletiko» klubi himoyachisi Diego Godin kecha «Yuventus»ga (0:3) qarshi bo‘lib o‘tgan o‘yindan so‘ng UEFA rasmiy saytiga o‘z fikrlarini bildirib o‘tdi.

“Biz qanday hujum qilishni bilmadik. “Yuventus” o‘z gollarini urdi. Bizni birgina gol ham keyingi bosqichga olib chiqar edi, ammo biz buni uddalay olmadik.

Endi barcha kuchimizni mavsumning qolgan qismiga qaratamiz”, - deydi urugvaylik futbolchi.

Eslatib o‘tamiz, “Atletiko” o‘z maydonida bo‘lib o‘tgan dastlabki o‘yinda 2:0 hisobida g‘alaba qozongan edi.