“Fulxem” iqtidorli himoyachisini sotishga tayyor

APLni tark etishi aniq bo‘lib ulgurgan “Fulxem” jamoasi mavsum yakuniga etganidan so‘ng himoyachisi Rayan Sessenonni sotib yubormoqchi.

Evening Standard nashri xabar berishicha, “Fulxem” rahbariyati Sessenonni sotib yuborish orqali klub byudjetini yaxshilab olmoqchi. Shuningdek, 18 yoshli himoyachi ham londonliklar bilan chempionshipda to‘p surishni istamayapti. Unga APLning qator klublaridan qiziqish bo‘lmoqda.

Ma’lumot uchun Sessenon joriy mavsumda APLda 30ta uchrashuvda maydonga tushdi va 2ta gol urgan hamda 6ta golli uzatmani amalga oshirgan.