Flik: "Biz "Barsa" sifatida o‘z futbolimizni o‘ynaymiz"

"Barselona" bosh murabbiyi Xans-Diter Flik Chempionlar ligasi guruh bosqichida "Bryugge"ga qarshi 3:3 hisobida yakunlangan o‘yindan so‘ng jamoa taktikasi haqidagi fikrlariga izoh berdi.

"Biz – "Barsa" va o‘z futbolimizni o‘ynashni istaymiz. Hammasini o‘zgartirish haqida gapirish mumkin, lekin men shunday turdagi murabbiy emasman. Biz o‘z DNKmizga mos o‘yin olib boramiz. Biz o‘z yarim himoya chizig‘imizda faqat himoya qilib, 1:0 hisobida g‘alaba qozonish uchun kontratakaga chiqmaymiz.

Bizning himoyamizni maydonning oxirgi uchdan bir qismida ham olib borishimiz mumkin yoki o‘z filosofiyamizdan bir qadam orqaga chekinish mumkin. Biz faqat hammasini yaxshilaymiz.

O‘tgan yili ofsayddan gol o‘tkazganimizda masofa bir-ikki metr bo‘lgan. Hozir esa hammasini amalga oshirish ancha qiyin, raqiblar muammolar yaratadi. Hech qanday oqlov yo‘q, biz shu tarkibda o‘ynadik. Hamma biladiki, hozirgi holatimiz eng yaxshisi emas, lekin men optimizmni saqlashga harakat qilaman. Balki tanaffusdan so‘ng Rafinya, Joan Garsiya va Pedri qaytishi mumkin, Olmo va Levandovski esa yanada yuqori darajaga ko‘tariladi", — deya ta’rif berib o‘tdi germaniyalik mutaxassis.