Флик "Барселона"даги фаолиятидан сўнг мураббийликни тугатиши мумкин

Каталониянинг "Барселона»" клуби бош мураббийи Ханс-Дитер Флик фаолиятидаги сўнгги жамоа айнан шу клуб бўлиши мумкин.

"Mundo Deportivo" нашрининг ёзишича, "блауграна"лар устози Ханси Флик ўз интервьюларида бир неча марта мураббийлик фаолиятини узоқ йилларга чўзмоқчи эмаслигини таъкидлаган. Манбага кўра, 60 ёшли мутахассис "Барселона"дан кейин мураббийлик фаолиятини якунлаш эҳтимолини инкор этмаяпти. Унинг футболдаги кейинги қадамлари айнан каталониялик клубдаги муваффақиятларга боғлиқ бўлади.

Айни пайтда Флик "кўк-анорранглилар" билан шартномасини 2027 йилгача узайтириш арафасида турибди. Аввалроқ у "Бавария" ва Германия терма жамоасини бошқарган ва катта ютуқларга эришган эди.