Файзуллаевнинг ЦСКАдан кетиш сабаблари айтилди
Ўзбекистон миллий терма жамоаси ҳужумкор футболчиси Аббосбек Файзуллаевнинг ЦСКАдан Туркия Суперлигаси вакили “Истанбул Башакшеҳир”га ўтаётгани энг кўп муҳокама қилинаётган мавзулардан бирига айланди.
Сўнгги маълумотларга қараганда, истанбулликлар 21 ёшли футболчи учун “армиячилар”га 7,5 миллион евро тўлайди ва турли бонуслар ҳисобига бу сумма 10 миллион еврогача кўтарилиши мумкин.
Файзуллаевнинг ўзи “Башакшеҳир” билан 3+1 кўринишида ҳамкорлик шартномасини тузгани маълум қилинди. Энди Туркия чемпионатида икки ўзбек футболчиси – Аббосбек Файзуллаев ва Элдор Шомуродов илк бор бир жамоа шарафини ҳимоя қиладиган бўляпти.
Россия футболининг аксарият экспертлари мамлакат Премьер-лигасида Аббосбек Файзуллаевнинг сезиларли ўрни борлигини ва унинг кетиши чемпионат учун йўқотиш эканини таъкидлаяпти.
Sports.uz портали ўзбек футболчисининг трансферига муносабат билдирган яна икки нафар экспертнинг фикр-мулоҳазаларини ўзбекистонлик футбол ишқибшозлари эътиборига ҳавола этади.
Максим Токов, ЦСКА ёшлар жамоаси мураббийи:
Нима бўлган тақдирда ҳам Аббосбек Файзуллаев ЦСКА таркибидаги энг асосий ўйинчилардан бири эди. Унинг кетганини сезмай қолиш мумкин эмас.
Бу трансфер Аббосда жамоани тарк этиш истаги бўлганининг оқибатидир.
Файзуллаев талантли футболчи, у юқори даражада ўйнай олмади. Энг муҳими, Туркияда ўзига мос келадиган мураббий қўлига тушсин.
Павел Погребняк, “Зенит” ва “Спартак Москва” жамоалари собиқ ҳужумчиси:
- Аббосбек – ёш, салоҳиятли ва мақсад сари интиладиган ўйинчи. У катта футболдаги юришини энди бошлаяпти. Файзуллаев Россия футболига етишмайдиган бўлди. Шусиз ҳам футболимиз яхши даврларни бошдан ўтказаётгани йўқ.
Файзуллаев турк чемпионати орқали ўзини кўрсатиб, кейинроқ янада кучли лигаларга ўтишни мақсад қилган.
Александр Гришин, ЦСКА собиқ футболчиси:
Аввалги ўйин схемасида Файзуллаев зўр ўйнаб келаётган эди. Марко Николич бошқарувида эса, унга бошқа шартлар қўйилди, оқибатда ўтган мавсум ўзини кшрсата олмади.
Шунга қарамай, ЦСКА зўр ишлади. Ўйинчини чўққига чиққанида сотиб юбориш керак, дейишади. Аббос учун 500 минг евро тўлашган эди, 7 миллион евро фойдасига сотиш клуб учун жуда зўр савдо.
Эслатиб ўтамиз, Аббосбек Файзуллаев 2023 йилнинг августида “Пахтакор”дан ЦСКАга кўчиб ўтган эди. Москва клуби сафида жами 72 та учрашувда майдонга тушиб, саккизта гол ва 22 та ассист муаллифи бўлди. 21 ёшли легионеримиз “армиячилар” сафида Россия чемпионати биронза медали, мамлакат кубоги ва Суперкубоги соҳиби бўлди.
Эксперт: Бу футболчи Ҳусановнинг йўлини тўсяпти
Фикрлар