Evrokubok bellashuvlari bir daqiqalik sukut bilan boshlanadi

Xabaringiz bor, avgust oyida UEFA Chempionlar ligasi va Evropa ligasida hal qiluvchi bellashuvlar o‘tkaziladi.

UEFA prezidenti Aleksandr Cheferinning so‘zlariga ko‘ra, evrokuboklarning har bir uchrashuvidan oldin koronavirus infektsiyasi qurbonlari xotirasiga bag‘ishlab, bir daqiqalik sukut saqlanadi.

UEFA rahbari shuningdek, ko‘plab futbol klublari koronavirus infektsiyasi qurbonlari uchun mablag‘ to‘plash uchun tashkil etilgan xayriya tadbirlarida ishtirok etganini ta’kidladi.