Етакчи футболчи "Арсенал" билан шартномани узайтирди ва катта маош оладиган бўлди

Лондоннинг "Арсенал" клуби ҳужумчи Букайо Сака билан шартномани узайтирди. Унинг янги битими 2027 йилга қадар амал қилади. 

Эндиликда, 21 ёшли иқтидор эгаси Лондон клубидан йилига 15 миллион фунт стерлинг маош олади.

"Биргаликда қанча ютуқларга эришишимиз мумкинлигини биламан. Вақт биз томонда", - деди "канонирлар" футболчиси. 

Қайд этиш лозим, Сака жорий мавсум АПЛнинг 37 ўйинида майдонга тушиб, 13 та гол ҳамда 11 та ассистни ўз ҳисобига ёздириб қўйган.