Ernan Krespo Argentina klubi bosh murabbiyiga aylandi

Argentina terma jamoasi sobiq futbolchisi Ernan Krespo "Defensa va Xustisiya" klubi bosh murabbiyi etib tayinlandi.

44 yoshli mutahassis Argentina klubida Mariano Sosoning o‘rnini egalladi. Ushbu bitim tafsilotlari oshkor qilinmadi.

Eslatib o‘tamiz, Krespo futbolchilik faoliyatini asosan A Seriya klublari "Parma", "Inter" va "Latsio" kabi klublarda o‘tkazgan.

Sobiq hujumchi Argentina terma jamoasi libosida esa 64 ta o‘yinda maydonga tushib, 35 ta gol kiritishni uddalagan.