Erik ten Xag “Manchester Yunayted”dan qachon haydalishini aytishdi

“Manchester Yunayted”ning sobiq futbolchisi Gari Nevill jamoani boshqarib turgan Erik ten Xag qachon iste’foga chiqarilishi mumkinligini aytdi.

- Yangi rahbariyat Erik ten Xag bo‘yicha yakuniy qarorga mavsum oxirida keladi. Men bunga shubha qilmayman. Erikni chempionat tugagunicha lavozimida qoldirishadi.

“Manchester Yunayted”ning ahvoli juda yomon, agar shunday davom etsa, niderlandiyalik mutaxassis katta bosim ostida qoladi.

Ten Xag klubdagi debyut mavsumida juda yaxshi natijaga erishdi. Endi yangi rahbar uni kuzatib boradi.

Hozir “Manchester Yunayted” bosh direktorsiz, sport direktorisiz, xodimlarni tanlash bo‘yicha mas’ul rahbarsiz faoliyat yuritmoqda. Dunyoda qaysi klub bunday ishlaydi? Erik ten xag atrofida boshqaruvchilar yo‘q. Bu hayratlanarli holat. Bunaqa bo‘lmasligi kerak, - dedi Gari Nevill.