Енгил атлетика. Сафина Садуллаева жаҳон чемпионатини 29-ўринда якунлади

Сафина Садуллаева жаҳон чемпионатидаги иштирокини якунлади. Афсуски, спортчимиз Будапештда ўтаётган дунё биринчилигининг финал босқичига йўл ололмади.

Баландликка сакраш дастурида иштирок этган Садуллаева саралаш баҳсларида 1.80 метр баландликни биринчи уринишдаёқ забт этди. Бироқ кейинги 1.85 метр баландликдан ўтиш учун амалга оширилган барча уринишлар самарасиз якунланди ва спортчимиз мусобақани 29-ўринда тугатди.