Dzyudo. O‘zbekiston Markaziy Osiyo derbisida g‘alaba qozondi!

Bolgariya poytaxti Sofiya shahrida dzyudo bo‘yicha kadetlar o‘rtasidagi jahon chempionatining aralash jamoaviy bahslari davom etmoqda.

O‘zbekiston terma jamoasi 1/2 finaliga yo‘l oldi. Qozog‘iston terma jamoasiga qarshi kechgan 1/4 finalning murosasiz bellashuvlarida dzyudochilarimiz juda qiyin g‘alabani qo‘lga kiritishdi. Asosiy bahslar 3:3 hisobida yakunlandi. G‘olib nomini aniqlab bergan uchrashuvda Zuhrajon Umarova raqibasidan ustun keldi. 

Umumiy hisob 4:3, O‘zbekiston 1/2 finalda! 

Bu haqda O‘zbekiston dzyudo federatsiyasi matbuot xizmati xabar bermoqda.