Дзюдо. Муродил Муродиллаев АҚШ вакилини енгиб, жаҳон чемпионатида совриндор бўлди

Бугун Тожикистон пойтахти Душанбе шаҳрида дзюдо бўйича ёшлар ўртасидаги жаҳон чемпионати старт олди. Қувонарлиси, илк кундаёқ Ўзбекистон терма жамоаси ҳисобига бронза медали ёзилди. 

Миллий Олимпия қўмитаси матбуот хизматининг хабар беришича, -60 кг вазн тоифасида қатнашган ҳамюртимиз Муродил Муродиллаев шоҳсупанинг учинчи поғонасига кўтарилди. Ярим финалда мезбон спортчига имкониятни бой берган юртдошимиз учинчи ўрин учун баҳсда АҚШ вакили Жонатан Янгни мағлубоятга учратиб, ўз номини совриндорлар қаторига қўшиб қўйди.