"Қайрат" мураббийи "Реал"дан учралган йирик мағлубият ҳақида нималар деди?

"Қайрат" жамоаси бош мураббийи Рафаэл Уразбахтин "Реал"дан учралган йирик мағлубият ҳақида фикр билдирди. 
 
"Бу ҳақида нима ҳам деймиз. Биз турли даражалардаги жамоалармиз, буни тан олишимиз керак. Бундай рақиб билан ўйинда катта тажриба орттириб олдик. Албатта, ютқазиш ҳар доим ҳар қандай жамоага алам қилади. Лекин биз буни қабул қилишимиз лозим. Бизнинг даражамиздан келиб чиқсак, бугун яхши ҳаракат қилдик, баъзи дақиқаларда майдонда тўлиқ устунлик ҳам қилдик. Эҳтимол, битта гол уришга арзигулик ўйин ўтказдик аммо вазиятларни охиригача етказа олмадик. 
 
Жамоадаги ҳамма футболчиларга бугунги ўйин учун миннатдорчилик билдираман. Мухлисларга ҳам катта раҳмат. Бизга қуръада "Реал" тушгани бир тарафдан яхши бўлди. Чунки Қозоғистонга бундай жамоаларни қанчалик кўп олиб келсак, бутун мамлакат учун фойда бўлади. Клуб ва футболчилар ҳам ўсади. 
 
Ўйинчинларга стартни фаолроқ бошлаши кераклиги ҳақида огоҳлантирган эдик. Биринчи дақиқалардаёқ гол уришимиз мумкин эди. Бундай кучли рақибга қарши юқори темпда ўйнаш жуда қийин. Бизнинг чемпионатда бунақа тезлик йўқ. Учрашувда кучимиз етганча ҳаракат қилдик. Фаол равишда босим ўтказа олдик деб ўйлайман. Биз стандарт вазиятлардан гол киритишни хоҳлаган эдик. Аммо бу бизга насиб этмади", - деди "Қайрат" жамоаси бош мураббийи.