Diego Simeone: "Bu g‘alaba juda muhim edi"

Ispaniya chempionatining 10-turida "Atletiko" safarda "Betis"ni 2:0 hisobida mag‘lub etdi. Uchrashuvdan keyin jamoa bosh murabbiyi Diego Simeone o‘yin haqida fikr bildirdi:

"Biz juda yaxshi o‘yin namoyish etdik. Birinchi bo‘limda yaxshi harakat qildik va hisobni 2:0 qildik. Tanaffusdan keyin aniqlik etishmadi, ammo hisobni saqlab qoldik. Bu g‘alaba ham biz uchun, ham La Liga jadvalidagi holatimiz uchun juda muhim", — dedi murabbiy matbuot anjumanida.

Shu tariqa, "Atletiko" 10 ta turdan keyin 19 ochko jamg‘ardi va Ispaniya chempionati jadvalida to‘rtinchi o‘rinda bormoqda.