Дидье Дешам: Льорис йил охиригача ўйнамаслиги мумкин

Франция терма жамоаси бош мураббийи Дидье Дешам дарвозабон Уго Льорис борасида фикрлар билдирди.

"Уго қанча вақт майдонга туша олмаслигини айтиш қийин. Бир нарса аниқки у ушбу босқичда ва Евро-2020 саралашининг кейинги босқичидан ҳам бизга ёрдам бера олмайди. У бу йили майдонга тушмаслиги мумкин," - деди Дешам.

Эслатиб ўтамиз, Льорис Премьер-Лиганинг 8-туридан ўрин олган "Брайтон" билан бўлган ўйинда (0:3) жароҳат олган эди. Учрашувнинг 2-дақиқасида француз қанотдан узатилган тўпга муваффақиятсиз сакради, чап қўли билан ноқулай тушиб, уни шикастлаб қўйди.