Dibalaga 3 ta grand klubdan "yog‘li" takliflar bor

"Yuventus" hujumchisi Paulo Dibala erkin agent sifatida Turin klubini tark etishga yaqinlashmoqda.

Football Italia xabariga ko‘ra, "Inter", "Tottenxem" va "Barselona" argentinalik yulduzni qo‘lga kiritmoqchi. Agar 28 yoshli futbolchini tekinga qo‘lga kiritish mumkin bo‘lsa, yuqoridagi klublar unga foydali taklif bilan chiqishga tayyor.

Joriy mavsumda Dibala "Yuventus" safida 20 ta o‘yinda maydonga tushib, 9 ta gol urdi va 4 ta golga assistentlik qildi.

Hujumchining “keksa sinora” bilan amaldagi shartnomasi 2022 yilning 30 iyunida yakuniga etadi. Uning bozor qiymati 50 million evroni tashkil qiladi.