Bu klub Messini qo‘lga kiritishga qattiq ishonmoqda

AQSh chempionati vakili – “Inter Mayami” bosh murabbiyi Fil Nevill PSJ hujumchisi Lionel Messi uning jamoasiga kelishiga qattiq ishonmoqda.

- Messining transferi haqida so‘rashyapti. Bu nega amalga oshmasligi kerak? Men uning kelishiga ishonaman.

MLS ligasini butun dunyo o‘yinchilar kuchli chempionat sifatida tan oladi. Messi darajasidagi o‘yinchilarning transferi murakkab jarayondan iborat bo‘ladi va vaqt talab qiladi.

Agar Messi jamoamizga kelsa, men o‘zimni baxtiyor his qilaman, chunki menga eng zo‘r futbolchilar bilan ishlash va ulardan nimalarnidir o‘rganish yoqadi, - dedi Fil Nevill.