Бу ишни Левандовски ва Мбаппедан бошқаси эплолмади

ПСЖ ҳужумчиси Килиан Мбаппе жорий календар йилида ўзининг киритган голлари сонини 50 тага етказиб олди.

Бугун ўзининг 23 ёшини қарши олаётган франциялик футболчи 2021 йилнинг январь – декабрь ойлари оралиғида клуб ва терма жамоа сафида жами 51 та гол урди.

Эътиборлиси, Мбаппе Европанинг кучли бешлик чемпионатларида 2021 йилда 50 тадан кўп гол урган иккинчи футболчига айланди. Бу борада "Бавария" ҳужумчиси Роберт Левандовски яққол пешқадамлик қилмоқда. Польшалик футболчи ҳисобида ҳозирча 69 та гол мавжуд.