Бу футболчи “Сити”, “Арсенал”, “Ливерпуль” ҳужумчиларидан зўр!

Англия миллий терма жамоасининг собиқ ҳужумчиси Габриэль Агбонлахор “Борнмут” ҳужумкор футболчиси Антуан Семеньонинг маҳорати ва олдинги чизиқда ўйнаш қобилиятини жуда юқори баҳолади.

Премьер-лигада тўпурарлик маҳоратини намойиш қилаётган 25 ёшли футболчига гранд клублардан таклифлар кела бошлаган.

Агбонлахор Семеньо Англиянинг ҳар қандай жамоасида ўйнай олишини таъкидлади.

- Менга Семеньони бошланғич таркибга киритмайдиган Англия Премьер-лигасининг бирор жамоасини кўрсатинг. Бу футболчи “Арсенал”даги Мартинелли ва Троссар, “Ливерпуль”даги Гакпо ва “Манчестер Сити”даги Докудан  ҳам зўр. “Тоттенхэм”га ўтса ҳам, бошланғич таркибда ўйнарди, - деди Габриэль Агбонлахор.

Лондонда туғилган ва инглиз футболи тарьияланувчиси бўлган Антуан Семеньо халқаро миқёсда 2022 йилдан бери Гана миллий терма жамоаси шарафини ҳимоя қилиб келмоқда. У Гана таркибида 31 та учрашувда иштирок этиб, учта тўп киритган.