"Borussiya"ni mag‘lub etgan "Bayer" ikkinchi o‘ringa ko‘tarilib oldi

Germaniya Bundesligasida 17-tur o‘yinlar o‘tkazimoqda. Markaziy bellashuv sifatida e’tirof etilgan bahsda "Bayer" Dortmundning "Borussiya"sini qabul qildi. O‘yin mezbonlarning 2:1 hisobidagi g‘alabasi bilan yakunlandi.

Dastlab, Mussa Diabi tezkor gol urib, jamoasini hisobda oldinga olib chiqdi. Uning yaqin masofadan bergan zarbasini Byurki qaytarolmadi. Mehmonlar ikkinchi bo‘limda o‘yinga faollik qo‘shdi va bu o‘z natijasini ko‘rsatmay qolmadi: 67-daqiqada Yulian Brandt jarima maydoni tashqarisidan o‘z omadini sinab ko‘rdi. Darvozabon to‘pga tekkan bo‘lsa-da, uni qaytara olmadi.

G‘alaba uchun ko‘proq harakat qilgan dortmundliklar himoyada biroz ehtiyotsizlik bilan harakat qila boshladi. Oqibatda, Florian Virts raqib xatosidan unumli foydalanib, tarozi pallalarini jamoasi tomonga og‘dirdi.

Markaziy uchrashuvda g‘alaba qozongan leverkuzenliklar ochkolari sonini 32 taga etkazgan holda, onlayn jadvalda 2-pog‘onaga ko‘tarildi. Mehmondan quruq qo‘l bilan qaytadigan "Borussiya" 4-o‘rinda qoldi. Ular hisobida 29 ochko mavjud.

• 90+5'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+4'
  

  Стандарт вазиятдан берилган зарбаси Бюрки ушлаб, жамоасининг тезкор ҳужумини бошлади.

• 90+3'
  

  Жарима майдони чизиғи устида Дилейни рақибини қоида бузиш эвазига тўхтатди. Ҳакам уни огоҳлантирди.

• 90+2'

  Майдон эгалари сўнгги дақиқаларни ҳам фаоллик билан ўтказмоқда.

• 90'
  

  Ўйиннинг асосий вақтига 4 дақиқа қўшиб берилди.

• 88'
  

  Марко Ройс ўрнига Штеффен Тиггес ўйинни давом эттиради.

• 85'

  Хуммельс рақибига нисбатан бироз жиддий қўполлик ишлатди. Ҳакам оғзаки огоҳлантириш етарли, деб ҳисоблади.

• 83'
  

  Беллингем ўрнига Мукоко ўйинни давом эттиради.

• 82'

  Рейнанинг зарбасидан кейин тўп тўппа-тўғри Градецкийнинг қўлига келиб тушди.

• 80'
  

  ГООООООООООООЛЛЛЛЛЛЛЛЛ! "Байер" ҳисобда олдинга ўтиб олди!

  Рақиб хатосидан кейин тўпни қабул қилиб олган Флориан Вирц дарвозани ишғол этди.

• 79'

  Меньенинг жарима майдонига узатган тўпини ҳимоячилар узоқлаштирди. "Боруссия" ғалаба учун кўпроқ тер тўкмоқда.

• 78'
  

  Холандга нисбатан қоида бузган Мусса Диаби огоҳлантирилди.

• 75'
  

  Диабининг яқин масофадан йўллаган зарбасини Бюрки қайтарди.

• 74'
  

  Санчо ўз ўрнини Жио Рейнага бўшатиб берди.

• 72'

  Тўп учун курашда Хуммельс ва Диаби ўзаро жиддий тўқнашиб кетди. 

• 70'
  

  "Байер" таркибида ўзгариш: Арангис ва Аларио ўрнига Демирбай ҳамда Шик майдонга тушди.

• 69'

  Голдан руҳланган меҳмонлар яна бир хавфли ҳужум уюштирди. Аммо тўпни бўш қолган дарвозага киритадиган футболчи топилмади.

• 67'
  

  ГООООООООООЛЛЛЛЛЛЛЛ! "Боруссия"  ҳисобни тенглаштирди!

  Юлиан Брандтнинг жарима майдони ташқарисидан берган кучли зарбаси дарвоза тўридан жой олди.

• 65'

  Брандт шеригига тўп узатишда жуда бўш ҳаракат қилди. Натижада, рақиб ҳимоячилари вазиятни бартараф этди.

• 64'

  Холанднинг зарбаси йўлига Тапсоба блок қўйишга муваффақ бўлди.

• 62'

  "Боруссия" тобора голга яқинроқ келмоқда.

• 60'
  

  Жароҳат олган Венделл ўрнига Синкгравен ўйинга қўшилди.

• 60'
  

  Венделлга тиббий ёрдам кўрсатилмоқда. Катта эҳтимол билан, у майдонни тарк этади.

• 58'

  Иккинчи 45 дақиқаликни дортмундликлар фаол ўтказмоқда. Аммо голдан ҳамон дарак йўқ.

• 56'

  Тома Менье яна бир яхши вазиятни кўкка совурди. Унинг ўткир бурчакдан берган зарбасига аниқлик етишмади.

• 54'

  "Асаларилар" ўта қулай имкониятни голга айлантира олмади. Бир рақибини усталик билан чалғитган Ройс жамоадошларига тўп узатишда бироз адашди.

• 51'

  Жарима майдони ичига кетма-кет икки бор узатилган тўпни дортмундликлар узоқлаштирди.

• 49'

  Леон Бейли жарима майдони ташқарисидан ноаниқ зарба берди.

• 48'

  Брандтнинг узоқ масофадан йўллаган зарбаси ноаниқ кетди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Танаффус!

• 45'
  

  Биринчи бўлимга 1 дақиқа қўшиб берилди.

• 42'

  Тайм сўнгига келиб, дортмундликлар бироз фаолликни оширгандек бўлмоқда.

• 40'

  Ройснинг жарима майдонига оширган тўпига шериклари зарба бера олмади.

• 39'

  "Боруссия"да яхши стандарт юзага келди.

• 37'

  Шеригининг узатмасига Холанд бироз ета олмади. Меҳмонларнинг яна бир ҳужуми омадсиз якунланди.

• 35'
  

  Бир рақибини ортда қолдириб, жарима майдонига ёриб кирган Диаби аниқ зарба йўллади. Жой танлашда адашмаган Бюрки тўпни ушлаб олди.

• 34'

  Дарвоза томон йўлланган кучли зарба йўлига Аканжи блок қўйишни уддалади.

• 32'
  

  Бу сафар Амири аниқ зарба йўллади. Дарвозабон ўз ўрнида.

• 29'

  Майдон эгалари фаол ўйин кўрсатишда давом этмоқда. "Боруссия" ўйинни ташлаб юборди.

• 27'
  

  Аларионинг ўткир бурчакдан йўллаган зарбасини дарвозабон қайтарди. Такрорий уриниш ҳимоячиландан ўтмади.

• 24'

  Меньенинг узатмасига Холанд бироз ета олмади. Акс ҳолда, ҳисоб тенглашиши катта эҳтимол эди.

• 22'

  Жарима майдонига оширилган тўпни Роман Бюрки ушлаб олди.

• 20'

  Леон Бейлининг кучли зарбасини Менье танаси билан қайтарди. Тўп дарвозагача ўтмади.

• 18'

  Рақиб босимидан саросимага тушган Геррейру тўпни шунчаки олдинга тепиб юборди. Леверкузенликлар яна бир позицион ҳужумга тайёргарлик кўрмоқда.

• 16'

  "Асаларилар" тўпни ўзида узоқ вақт ушлаб тура олмаяпти.

• 14'
  

  ГООООООООООЛЛЛЛЛЛЛ! "Байер" сокинликни бузиб юборди!

  Бейлининг заргарона узатмасини соҳирлик билан ўзига бўйсундирган Мусса Диаби ҳисобни очди.

• 13'

  Ўйин темпи дастлабки дақиқаларга қараганда, бироз пасайди.

• 11'

  Тўп назорати майдон эгалари томонга ўтди. Аммо "Боруссия" эрта прессинг уюштирмаяпти.

• 9'

  Аларионинг зарбасига аниқлик етишмади.

• 7'

  "Байер" футболчилари рақибга босим ўтказиб, тўпни олиб қўйишга ҳаракат қиляпти.

• 5'

  Дортмундликлар ўйин тизгинини қўлга олишга ҳаракат қилмоқда.

• 3'

  Холанд бирга-бир вазиятга чиқиб бориши мумкин эди. Бироқ дарвозабон ўз жойини ташлаб олдинга чиқди ва тўпни узоқлаштирди.

• 2'
  

  Илк ҳужумни мезбонлар уюштирди. Вирцнинг жарима майдони ташқарисидан берган зарбасини дарвозабон қайтарди.

• 1'
  

  Ўйин бошланди!