Бокс. Шодиёржон Мелиқўзиев Осиё чемпиони

Бироз аввал Таиланднинг Чианг Май шаҳрида катталар ўртасида Осиё чемпионатининг финал баҳслари бошланди.

Ушбу ҳал қилувчи жангларнинг дастлабкисида ҳамюртимиз 48 кг да Шодиёржон Мелиқўзиев ва Қозоғистон вакили Санжар Ташкенбай билан қитъада ким тенгсиз эканлигига ойдинлик киритишди. 1-раундда устунликка эришган боксчимиз, 2-раундда имкониятни бой бериб қўйди. Ҳал қилувчи раундда Шодиёржон рақибини нокдаун ҳолатига туширди ва якунда 4:1 ҳисобида ғалаба қозониб, Осиё чемпионига айланди.