Бир клуб Роналдуни таклиф қилишга тайёр!

“Тоттенхэм” раҳбарияти “Ювентус” ҳужумчиси Криштиану Роналдуга таклиф беришни режалаштирмоқда. Ҳозирча, лондонликлар 36 ёшли тўпурар атрофидаги вазиятни кузатиб турибди.

Гарчи “Тоттенхэм” Роналдуга манфаатли шартнома таклиф қилганида ҳам бу трансфер амалга ошмаслиги мумкин. Чунки португалиялик футболчи Европа Чемпионлар лигасида мунтазам иштирок этадиган клубга ўтмоқчи.

Маълумотларга қараганда, Роналдунинг ўзи ҳам фаолиятини бошқа клубда давом эттириш бўйича турли вариантларни ўрганиб чиқмоқда. Бироқ, “Ювентус” асосий тўпурари бўйича ҳали бирорта таклиф олгани йўқ.

“Ювентус” жамоа топилса, Роналдуни шу ёзнинг ўзида сотиб юборишга тайёр.