Бензема ўрнини Мессининг “шогирди” эгаллайди

“Реал” раҳбарияти жамоанинг асосий тўпурари Карим Бенземанинг ўрнини боса оладиган ҳужумчи қидиришда давом этмоқда.

Goal.com сайтида эълон қилинган хабарга кўра, мадридликлар бу позицияга “Манчестер Сити” ҳужумчиси Хулиан Альваресни олиб келмоқчи. 23 ёшли футболчи Аргентина терма жамоасида Лионель Мессининг ўринбосари ҳисобланади.

Қатардаги жаҳон чемпионатида Альварес Месси билан елкама-елка ўйнаб, ўзини яхши томондан кўрсатди.

Унинг “шаҳарликлар” билан шартномаси 2027 йилнинг ёзигача тузилган. “Қироллик клуби” бу трансфер учун 50 миллион евродан кўпроқ харажат қилишига тўғри келади.