Bektemir Meliqo‘ziev raqibini yana nokautga uchratdi

Professional boksning super o‘rta  vazn toifasida ringga ko‘tarilayotgan Bektemir Meliqo‘ziev   navbatdagi jangida ham muddatidan avval g‘alaba qozondi. 

Las-Vegasdagi MGM Grand arenasida bo‘lib o‘tgan jangda Bektemir Meliqo‘ziev amerikalik Kley Kollardga  qarshi ringga ko‘tarildi. 8 raundga mo‘ljallangan reyting jangi to‘rtinchi raundda o‘z nihoyasiga etdi. Bektemir ushbu raundda raqibini dastlab nokdaun holatiga tushirdi, ammo u o‘rnidan oldi.  Meliqo‘zievning jigarga bergan zarbasidan so‘ng raqib yana erga quladi va hakam jangni to‘xtatishga qaror qildi. Shu tariqa Bektemir uchinchi jangida ham muddatidan oldin g‘alabaga erishdi.