Абдуқодирнинг ўйини нечи баллга лойиқ кўрилди?

"Манчестер Сити" мавсумолди тайёргарлик баҳсида "Палермо" билан куч синашди ва 3:0 ҳисобида муваффақиятга эришди.

Ушбу беллашувда ҳамюртимиз Абдуқодир Ҳусанов асосий таркибда майдонга тушган ҳолда, 45 дақиқа ҳаракат қилди. Унинг бир бўлимдаги ҳаракатларини эса бир неча машҳур порталлар турлича баҳолади. 
 
"Fotmob" вакилимизни 6.7 баллга лойиқ кўрган бўлса, "Sofascore" портали Ҳусановга 6.9 балл қўйди. Бундан ташқари, яна бир машҳур нашрлардан бири ҳисобланган "Flashscore" сайти эса ҳамюртимизга 7.3 балл берди. 
 
Эслатиб ўтамиз, Хосеп Гвардиола бошқарувидаги "шаҳарликлар" Англия Премьер-лигасининг янги мавсумидаги илк учрашувини 16 август куни "Вулверхэмптон"га қарши ўтказади.