“Бавария” энг зўр футболчисининг нархини эълон қилди

Бир неча йилдан бери “Бавария”нинг энг зўр тўпурари бўлиб келаётган Роберт Левандовски янги чақириқлар кутмоқда. Бунинг учун польшалик ҳужумчи бошқа чемпионатга ўтишни  истаяпти.

Мюнхен супер клуби ҳам 32 ёшли футболчининг кетишига тўсқинлик қилмоқчи эмас. Германиянинг 2021 йилдаги энг зўр футболчиси деб топилган Роберт Левандовски учун “Бавария” 117 миллион евро талаб қилмоқда.

Мутахассислар Бундеслига чемпиони катта сумма талаб қилиш орқали, харидорларни Левандовскини таклиф қилиш фикридан қайтармоқчи эканини таъкидлаяпти.

Левандовски ўтган мавсумда “Бавария” сафида барча турнирларда 40 та учрашув ўтказиб, рақиблар дарвозасини 48 маротаба ишғол қилди ва тўққиз марта жамоадошларини голли пас билан таъминлади.

Робертнинг амалдаги шартномаси яна икки йил давом этади.