"Barselona"ni kelajakda qaysi murabbiy boshqarishi mumkinligi ma’lum

"Barselona"ning sobiq sport direktori Ramon Planes "Shaxtyor"ning amaldagi bosh murabbiyi Roberto De Zerbi "Barselona"ni boshqarishi mumkinligini aytdi.

"De Zerbining uslubi "Barselona"ga mos keladi, u menga Gvardiolani eslatadi. Biz Robertoning ishini kuzatib bordik. Shuni aniq aytishim mumkinki, biz u bilan muzokaralar o‘tkazdik. U kelajakda klubni boshqarishi mumkinligini istisno qilmayman", - deydi Planes.

Eslatib o‘tamiz, o‘tgan yozda De Zerbi "Sassuolo"ni tark etib, "Shaxtyor" boshqaruviga o‘tgan edi. Uning qo‘l ostida klub 18 uchrashuvda 47 ochko jamg‘arib, Ukraina chempionatida peshqadamlik qilmoqda.