"Барселона" суперкубокдаги ўйинлар сони бўйича етакчи, "Реал" эса...

Испания суперкубоги ярим финалидан ўрин олган "Бетис" - "Барселона" баҳси бўлиб ўтди. Хави шогирдлари пенальтилар сериясида 4:2 ҳисобида ғалаба қозониб, финал йўлланмасини қўлга киритди.

Каталонияликлар учун мазкур ўйин Испания суперкубогидаги йигирма бешинчиси бўлди. "Кўк-анорранглилар" финалда мамлакат суперкубоги тарихида 18-марта ўйнайдиган "Реал" Мадрид билан тўқнаш келади.

"Эл-класико" 15 январь куни Саудия Арабистонининг Ар-Риёд шаҳридаги "Қирол Фаҳд" стадионида бўлиб ўтади.