"Barselona" qiziqayotgan futbolchini "Tottenxem" ilib ketishi mumkin

Londonning "Tottenxem" klubi hozirda "Marsel" vingeri Meyson Grinvudni o‘z safiga qo‘shib olishga qiziqish bildirmoqda. Bu haqda jurnalist Ekrem Konur xabar berdi.

Manbaning ma’lumotiga ko‘ra, "Marsel" 24 yoshli angliyalik futbolchini saqlab qolmoqchi, biroq jamoa yaxshi taklif tushsa muzokaralarga tayyor.

Grinvudga faqat "Tottenxem" emas, balki "Barselona", "Atletiko", "Vest Xem" va "Aston Villa" ham qiziqmoqda.

Joriy mavsumda u barcha musobaqalar doirasida 12 ta o‘yinda maydonga tushib, 8 ta gol urdi va 4 ta golli uzatma berdi.

Transfermarkt portalining ma’lumotiga ko‘ra, Meyson Grinvudning bozor qiymati 40 million evroni tashkil etadi.