"Barselona" futbolchisi klubni sudga berdi

Abc.es sayti tarqatgan xabarga ko‘ra, chililik futbolchi kataloniyaliklardan 2,4 mln evro miqdoridagi mukofot puli to‘lamaganlig bois da’vo arizasi bilan chiqqan. Gap shundaki, Vidalning shartnomasida, agarda futbolchi mavsum davomida 60 % dan ortiq o‘yinlarda maydonga tushib, uchrashuvda 45 daqiqadan ko‘p o‘ynasa yuqoridagi summa to‘lanishi borasida band bor. Vidalning advokati esa mazkur pullarning yarmini darhol to‘lanishini talab qilmoqda. 

Eslatib o‘tamiz, ilgariroq 32 yoshli "Inter" safiga o‘tish borasida klub bilan kelishuvga erishgani haqida xabarlar tarqalgan edi.