"Барселона" - "Ливерпуль" ўйини олдидан Моуриньо нималар деди?

Португалиялик машҳур мутахассис Жозе Моуриньо Чемпионлар лигаси ярим финалидан ўрин олган "Барселона" - "Ливерпуль" қарама-қаршилиги ҳақида ўз фикрини билдириб ўтди.

“Ливерпул”да ван Дейк бор. У ажойиб. Бундан ташқари Мане, Салоҳ ва Фирминолар ҳар бир ўйинда гол уришмоқда. Улар гол урмаган бирорта ўйинни менга айта оласизми?

Агар “Барселона” “Ливерпуль” билан жавоб баҳсида худди “Олд Траффорд”да МЮга қарши ўйнагандек ўйнаса, мерсисайдликларга қийин бўлади.

“Барселона”нинг ўйин услубини инобатга олсак, “Ливерпул” жиддий жазоланиши мумкин”, - дейди Моуриньо.

Эслатиб ўтамиз, "Барселона" ва "Ливерпуль" жамоаларининг дастлабки баҳси бугун “Камп Ноу”да, жавоб ўйини эса 7 май куни “Энфилд”да бўлиб ўтади.