“Barsa”ning tarixdagi eng katta xatosini ochib tashlashdi

“Barselona” prezidentligi uchun kurash olib borgan Viktor Font hozirgi rahbar Joan Laporta boshchiligidagi rahbariyatning yo‘l qo‘ygan eng katta xatolarini aytib o‘tdi.

Uning fikriga ko‘ra, rahbariyat klub afsonalari – Xavi Ernandes va Lionel Messining ketishiga yo‘l qo‘yib bergan.

- Xavi klubdagi ishini davom ettirish istagida edi. Lekin ro‘y bergan voqealar g‘alati bo‘ldi. Men klubni afsonaviy shaxslarni quvadigan emas, aksincha, ularga nisbatan hurmatni biladigan odamlar boshqarishini istayman.  

Lionel Messi bilan ham shunday yo‘l tutishdi. Men buni klub tarixidagi eng qo‘pol va katta xatolar, deb bilaman, - dedi Viktor Font.