“Барса” Зидан кутаётган футболчини олади

“Барселона” раҳбарияти ёзги трансферлар вақтида жамоани кучайтиришни режалаштирмоқда. Ана шу мақсадда, клуб мутасаддилари “Лейпциг”да ўйнаётган ярим ҳимоячи Даниэль Ольмога таклиф тайёрлаяпти.

Манбаларнинг маълум қилишича, каталонияликлар 22 ёшли испан футболчисининг агентлари билан алоқа ўрнатган ва трансфер имкониятларини ўргана бошлаган. Ольмонинг “Лейпциг” билан имзолаган шартномасида унинг бадал пули 80 миллион еврога тенглаштирилган. Бироқ, Transfermarkt портали футболчини 38 миллион еврога баҳоламоқда.

Ольмо жорий мавсумда “Лейпциг” учун 40 та учрашувда майдонга тушиб, бешта гол урди ва 11 та голли пас берди.

Бу футболчига “Раел” ҳам харидор бўлмоқда. “Қироллик клуби” Ольмо учун Бундеслига вакили 30 миллион евро таклиф қилмоқда.