“Барса” супертўпурар билан келиша олмади

“Бавария” ҳужумчиси Роберт Левандовски бир неча кун давомида “Барселона” вакиллари билан музокара ўтказди.

Goal.com сайтининг хабар беришича, музокаралар муваффақиятсиз якунланган.

Ҳозирча, польшалик тўпурарнинг келажаги мавҳум бўлиб турибди. “Бавария” ҳали асосий ҳужумчисига янги шартнома таклиф қилгани йўқ. Улар агар Роберт бошқа чемпионатга ўтишни истаса унга тўсқинлик қилмасликларини билдиришган.

“Барселона” ҳужум чизиғини кучайтириш мақсадида Роберт Левандовски ёки “Ливерпуль” тўпурари Муҳаммад Салоҳни олишни режалаштирган эди.

Левандовски жорий мавсумда барча турнирларда 37 учрашув ўтказиб, рақиблар дарвозасини 45 маротаба ишғол қилди. Унинг трансфери янги клубига 60 миллион еврога тушади.