“Барса”: Шу тўпурарни олмасак бўлмайди!

“Барселона” раҳбарияти Роберт Левандовскига жиддий қизиқмоқда. Клуб мутасаддилари футболчи билан шахсий шартнома шартларини келишиб олган бўлса-да, “Бавария” билан бадал пули миқдори бўйича бир тўхтамга кела олмади.

Каталонияликлар бир йиллик шартномаси бор футболчи учун 30 миллион евро таклиф қиляпти. Мюнхенликлар эса асосий тўпурари трансферидан 60-70 миллион евро даромад қилмоқчи.

Британиянинг Daily Mail нашрининг таъкидлашича, “Барселона” ҳужумчини олиш фикридан қайтмайди ва Левандовскини олиб келиш учун барча нарсага тайёрлиги айтилмоқда. Бу вазиятда кўп нарса Робертнинг танловига боғлиқ бўлади.