Артета: Хурсанд бўлишга ҳали жуда эрта

Микель Артета жамоаснинг АПЛдаги натижлари бўйича фикр билдирди.

 "Биз кўпроқ маълумот тўплашимиз ва аввалги мавсумларда нега кўп очко йўқотганимизни тушунишимиз, сўнгра буни тузатишга ҳаракат қилишимиз керак. Очиғини айтсам, дуранг ва ғалаба ўртасдиаги фарқ кўпинча майда деталларга боғлиқ. Бу нарсалар сенинг фойдангга ишласа, ғалаба қозонасан. Шунга қарамай, жамоамиз ҳозирда чиндан ҳам етуклик даражасини намойиш этмоқда. Бунда рақибга хавф солиш ва ўзига бўлган ишонч пайдо бўлади. Бироқ ҳурсанд бўлишга ҳали жуда эрта, олдинда бизни чемпионлик учун 30 та учрашув кутиб турибди. Мақсадимиз бу темпни бутун мавсумда сақлаб қолиш",- деди испаниялик мутахассис.

Маълумот учун, Артета шогирдлари АПЛда 8 та учрашувда 19 очко жамғарган ҳолда пешқадимлик қилмоқда. Ундан кейинги ўринни Пеп Гвардиола бошчилигидаги "Манчестер Сити"  17 очко билан эгаллаб турибди.