"Арсенал" футболчиси Субименди АПЛда бу кўрсатгич бўйича етакчи

Лондоннинг "Арсенал" клуби ярим ҳимоячиси Мартин Субименди Англия Премьер-лигаси жорий мавсумида тўпни энг кўп қайтариб олган футболчи сифатида қайд этилди. Бу ҳақда "WhoScored" нашри хабар берди.

Манбага кўра, ёзда "Арсенал"га келган 26 ёшли испаниялик футболчи учта ўйинда саккиз марта тўпни қайтариб олишга муваффақ бўлган. Бу кўрсаткич бўйича у АПЛнинг биринчи рақамли футболчиси ҳисобланади.

Июль ойида "канонирлар" Субименди учун 70 миллион евро тўлаган эди. Ҳозирча у учта ўйинда гол ёки голли узатма қайд этмади.

Микель Артета шогирдларининг навбатдаги баҳси 13 сентябрь куни бўлиб ўтади. Чемпионатнинг тўртинчи турида "Арсенал" майдонда "Ноттингем Форест"ни қабул қилади.