АПЛда сентябрь ойининг энг яхши мураббийи аниқланди

Англия Премьер-лигасида сентябрь ойининг энг яхши мураббийи деб "Кристал Пэлас" бош мураббийи Оливер Гласнер топилди.

У соврин учун курашда Хосеп Гвардиола ("Манчестер Сити"), Микель Артета ("Арсенал") ва Роже ле Брис ("Брайтон") каби мутахассисларни ортда қолдирди.

Гласнер бошқарувида "Кристал Пэлас" сентябрь ойидаги учта ўйинда етти очко жамғарди: жамоа "Сандерленд" билан 0:0 ҳисобида дурранг ўйнади, кейин эса "Вест Хэм" ва "Ливерпуль"ни 2:1 ҳисобида мағлуб этди.

Ҳозирги вақтда "Кристал Пэлас" АПЛнинг жадвалида 12 очко билан олтинчи ўринни эгаллаб турибди.