АПЛ клубида 82 ўйиндан буён британиялик футболчилар гол ура олмаяпти

Англия Премьер-лигаси 13-турида "Вулверхэмптон" "Челси"ни (2:1) қабул қилиб, сўнгги дақиқаларда киритилган гол эвазига ғалабани илиб кетди. "Бўрилар" сафида голларга Даниэл Поденсе ва Педру Нету муаллифлик қилишди.

Opta нашри маълумотига кўра, Нуну Эшприту Сантуш жамоасида сўнгги 83 та голни британиялик бўлмаган футболчилар киритмоқда. (автоголлар мустасно).

Бу кўрсаткич бўйича "Арсенал" яққол етакчи ҳисобланади. Лондонликлар сафида британиялик бўлмаган футболчилар 2005 йил октябридан 2008 йил февралигача кетма-кет 171 та гол киритган.