APL. "Arsenal" "Everton"ni ayab o‘tirmadi

Premer-liganing qoldirilgan uchrashuvi "Arsenal" - "Everton" bahsi bo‘lib o‘tdi. Mezbonlar ushbu bahsda "irislar"ga umuman imkon qoldirmadi. 

Dastlab, Saka 40-daqiqada hisobni ochdi. Oradan ko‘p o‘tmay Martinelli raqib himoyasidagi xatodan unumli foydalanib, oradagi farqni ikkitaga etkazib qo‘ydi. Ikkinchi bo‘limda Edegor va Martinelli o‘z hisobiga bittadan gol yozdirib qo‘ygan holda hisobni 4:0 ko‘rinishiga olib keldi.

Shu tariqa, "Arsenal" Ochkolari sonini 60 taga etkazib, peshqadamlikni mustahkamlab qo‘ydi. "Everton" esa 18-pog‘onaga tushib ketdi.