APL. 9-turda qayd etilgan natijalar va turnir jadvalidagi holat bilan tanishing

Angliya Premer-ligasining 9-tur uchrashuvlari yakunlandi. Mazkur turda bir qator qiziqarli uchrashuvlar bo‘lib o‘tdi.

Ruben Amorim boshchiligidagi "Manchester Yunayted" o‘z maydonida "Brayton"ni qabul qildi va 4:2 hisobida g‘alaba qozondi va turnir jadvalida 6-o‘ringa ko‘tarildi. Ularning hamshahari hisoblangan "Manchester Siti" esa bu turda "Aston Villa"ga imkoniyatni boy berib qo‘ydi. Turning yana bir sensatsiyasi "Chelsi" va "Sanderlend" jamoalari o‘rtasidagi bahsda kuzatildi. "Aristokratlar" kutilmaganda 1:2 hisobida mag‘lub bo‘ldi.

"Liverpul" mag‘lubiyatli seriyasini davom ettirmoqda. Arne Slot shogirdlari chempionat doirasida 4 uchrashuvdan beri raqiblariga yutqazmoqda. Bu safarda mersisaydliklarni "Brentford" taslim etdi.

Londonning ikki klubi — "Arsenal" va "Tottenxem" 9-turda navbatdagi 3 ochkosini qo‘lga kiritishga muvaffaq bo‘ldi.

Ayni paytda turnir jadvalida "to‘pchilar" peshqadam hisoblanadi. Quyida ushbu turda qayd etilgan natijalar va turnir jadvalidagi holat bilan batafsil tanishing.