Андрей Рублёв асосий тўрга чиқди

Россиялик теннисчи Андрей Рублёв Майами шаҳрида ўтаётган "Мастерс" туркумига кирувчи турнирнинг асосий тўрига чиқиб олди.

Андрей саралаш баҳсларининг сўнгги босқичида америкалик Бьорн Фратанжелони ҳар иккала сетда бир хил 6:4 ҳисобида таслим қилди.

Шу тариқа Рублёва "Miami Open" мусобақасининг биринчи даврасида иштирок этадиган бўлди. Унинг рақиби бироздан сўнг аниқланади.