"Андижон"ни тарк этган легионер ўзига Албаниядан жамоа топди

Яқинда “Андижон” жамоаси билан хайрлашган словениялик легионер Алтин Крезиу тезда ўзига янги жамоа топди.

Маълум бўлишича, 23 ёшли таянч ярим ҳимоячиси Албания Суперлигасининг “Эгнатиа” клуби билан шартнома имзолади.

Крезиу “Андижон”га келишидан аввал Албания чемпионатида “Лачи” жамоаси шарафини ҳимоя қилган.

Футболчи “Андижон” сафида 19 та ўйинда майдонга тушиб, 1 та гол урди ва 4 та голли пас узатди.