"Андижон" етакчиси "Насаф"га қарши ўйинни ўтказиб юборади

Эртага Ўзбекистон кубогининг 1/8 финал босқичига старт берилади. Унда “Андижон” клуби ўз майдонида Суперлигада иккинчи ўринни қўлга киритган “Насаф”ни қабул қилади.

Муҳим учрашув олдидан мезбонларнинг бош мураббийи таркиб борасида яна муаммоларга дуч келмоқда. Сабаби шуки, Суперлиганинг охирги турида Тошкентда “Пахтакор”га қарши ўтказилган ўйинда “Андижон”нинг етакчиларидан бири – Фарҳод Бекмуродов оёғидан жароҳат олди ва сафдан чиқди.

Sports.uz мухбири футболчи билан боғланганида, у муолажа жараёнлари давом этаётганини ва “Насаф”га қарши баҳсда жамоасига ёрдам бера олмаслигини таъкидлади. Бу ҳол эса, кубок беллашуви олдидан андижонликлар учун жиддий йўқотиш саналади.

Унинг қачон майдонга қайтиши ҳозирча аниқ эмас. Аммо катта эҳтимол билан “Насаф” билан ўйиндан сўнг, футболчи югуришни бошлашини ҳам айтиб ўтди.