Anchelottining keyingi mavsumda "Real" boshqaruvida qolish-qolmasligi haligacha aniq emas!

"Real" Madrid bosh murabbiyi Karlo Anchelotti kelasi mavsumda "qirollik klubi"da qolish-qolmasligini hozircha aniq emas.

Jurnalist Anton Meananing so‘zlariga ko‘ra, Anchelotti hali rahbariyatdan kelasi mavsumda faoliyatini davom ettirishi haqidagi tasdiqni olmagan. "Qaymoqranglilar" ustozi kelajak haqida qaror qabul qilishdan oldin joriy mavsumdagi natijalarini baholamoqchi.

Eslatib o‘tamiz, Anchelotti qo‘lida Braziliya terma jamoasidan taklif bor, biroq italiyalik mutaxassis avvalroq "Real" bilan shartnomasini oxirigacha ishlab chiqish niyatida ekanligini malum qilgandi.