Anchelotti: "Neymar terma jamoa uchun muhim o‘yinchi"

Karlo Anchelotti 2026 yilda Neymarni o‘z rejalariga kiritmoqda.

- Ha, men u bilan gaplashdim. U Jahon chempionatida terma jamoamiz uchun juda muhim o‘yinchi. U yaxshi tayyorgarlik ko‘rishi kerak va buning uchun unda vaqt etarli.

Men unga tayyorgarlik ko‘rishi zarurligini aytdim, sababi biz uni yana Braziliya terma jamoasining muhim a’zosiga aylanishini rejalashtiryapmiz, - dedi mutaxassis KONMEBOL'ga bergan intervyusida.

Avvalroq, 33 yoshli hujumchi "Santos" bilan shartnomani joriy yilning dekabrigacha uzaytirgan edi, uni yana cho‘zish imkoniyati ham mavjud. Uning oylik maoshi taxminan 700 ming evro atrofida bo‘lishi ma’lum qilingan.